گشت کی برکت سے چالیس دن تک عذاب ہٹا لیا جاتا ہے؟

بإسمه تعالى

✒الجواب بعونه تعالى ✒

مذکورہ بالا تحریر کی پہلی حدیث؛

گشت کی برکت سے بستی سے چالیس دن تک عذاب ہٹا لیا جاتا ہے،

کافی تلاش کے باوجود ہمیں ضعیف احادیث کے ذیل میں بھی نہیں ملا،

اس لئے پہلی حدیث کے تعلق سے کوئی حکم نہیں لگا سکتے جنہوں نے یہ تحریر شائع کی ہے ان سے معلوم کرنے کی کوشش جائے،

دوسری حدیث کہ جب کوئی ماں اپنے بچے کی وجہ رات کو جگتی ہے تو ستر غلام آزاد کرنے کے برابر اجر ملتا ہے

ابن حبان نے اسے موضوع قرار دیا ہے اور جھوٹی گڑھی ہوہی حدیث ہے،

تیسری حدیث :علم حاصل کرو چاہے چین جانا پڑے،

یہ حدیث بہت ہی ضعیف حدیث ہے بلکہ بعض محدثین نے اس کو موضوع اور باطل قرار دیا ہے.

چوتھی حدیث :دنیا آخرت کی کھیتی ہے،

یہ حدیث بھی موضوع اور گڑھی ہویی حدیث ہے

پانچویں حدیث :ماں کی گود سے قبر تک علم حاصل کرو:

یہ حدیث کافی تلاش کے باوجود نہ مل سکا.

اس لئے اس حدیث پر ہم کوئی حکم نہیں لگاتے.

اور چھٹی حدیث کہ مومن کا جھوٹا پاک ہے تو یہ حدیث نہیں ہے تاہم اس کا مفہوم صحیح ہے

کیونکہ کتب فقہیہ میں موجود ہے کہ مومن کا جھوٹا پاک ہے؛ (وسور الآدمي طاهر)

والحجة علي ما قلنا

وقد روي عن أنس بن مالك حديثا موضوعا،يشهد الممعن في الصناعة بوضعه.

لا يحل ذكره في الكتب إلا على جهة الإختبار للخواص.

عن أنس بن مالك.فإن اسهرها ليلة كان لها مثل أجر سبعين رقبة يعتقهن في سبيل الله عز وجل.

(المجروحين لإبن حبان) ج/٢ /ص /٣٤/عمرو بن سعد الخولاني :٦١٣

اطلبوا العلم ولو بالصين:رواه البيهقي والخطيب وإبن عبد البر والديلمي وغيره عن أنس وهو ضعيف بل قال ابن حبان :باطل الخ

(كشف الخفاء ومزيل الإلباس) ج/١/ص /١٦٣/رقم الحديث :٣٩٧/

الدنيا مزرعة الآخرة موضوع وفي المختصر لم يوجد بهذا اللفظ.

(تذكرة الموضوعات) /ص /١٧٤/

☘والله اعلم بالصواب ☘

بنده حقير شمس تبريز القاسمي

رابطہ :7983145589